এদিন তুমি হাতৰ মুঠিতেই আলফুলে সুমুৱাই আনিছিলা এখন ধূলিৰ আকাশ অলপ ডাৱৰ, কুহুমীয়া বতাহ আৰু বৰষুণৰ অলপ সম্ভাৱনা তোমাৰ সোঁকাষেৰে যুৰীয়া শালিকা উৰিছিল এপাহ ফুল সৰিছিল শিমলুৰ তুমি অহা নাছিলা মোৰ বাবে মোলৈ বুলি অনা নাছিলা ফাগুন তথাপিও অনামিকা, মই প্রেমৰ প্রাচীন শিলালিপি পঢ়িছিলোঁ সৰাপাতৰ নিৰল দোতাৰা শুনিছিলোঁ হাত পাতি ধৰিছিলোঁ প্রথমজাক বৰষুণৰ প্রথমটো টোপাল তোমাৰ সৈতে তুমি গম নোপোৱাকৈ
প্ৰিয় মানুহবোৰৰ সৈতে কৰা আলাপ অথবা তেওঁলোকৰ বিযয়ে পতা অন্তহীন কথাবোৰকেই বুটলি আনিছোঁ ব্ল'গলৈ।