এইমাত্র শুনিলোঁ--- দস্তাবেজৰ শত শত মুখৰিত পৃষ্ঠা নিমাত হৈ যোৱাৰ খবৰ বুকুভঙা বেজাৰত সেমেকি সেমেকি কঁপি কঁপি নিথৰ হ'ল শতটা অভিজ্ঞতাৰ অজস্র ৰহণেৰে বুলোৱা এডৰা অমিতাভ শব্দ আকাশখনে মাহটোত দ্বিতীয়বাৰৰ বাবে নিজা ৰং হেৰুৱাই নিঠৰুৱা হোৱা দেখিলোঁ ৰ'দজাক অন্যমনস্ক হ'ল দিনটোৰ বাবে সাঁকো হেৰাল সাঁকো জগলীয়াৰ ওপৰৰ সাঁকো চিগিল ঘপহকৰে নোহোৱা হ'ল লুইতৰপৰা গংগালৈ পোনপটীয়া দলং মাহটোত আকৌ এবাৰ বতাহজাকে পাহৰিলে সেউজীয়া বাঁহীসুৰৰ ঠিকনা এইবাৰ একেবাৰেই উকা হ'ল জনমভূমি সাঁকো হেৰাল, সাঁকো চিগিল (ডঃ মামণি ৰয়ছম গোস্বামীলৈ শ্রদ্ধাৰে।)
প্ৰিয় মানুহবোৰৰ সৈতে কৰা আলাপ অথবা তেওঁলোকৰ বিযয়ে পতা অন্তহীন কথাবোৰকেই বুটলি আনিছোঁ ব্ল'গলৈ।