(১) বতাহে এটি গীত শিকাই যাৰ সুৰত প্রতিখিলা পাতৰ টোপনি ভাগে থৌকি-বাথৌ হয় খোলা খিৰিকীৰ মুখ (২) খিৰিকীৰ আইনাত খামুচি আছে নিখুঁত কাঁচিজোনৰ এফাল ডাৱৰীয়া শেঁতা জোনাকত জ্বলে অদূৰৰ গাভিনী পথাৰৰ সুখ (৩) জোঁটপোট লতাৰে বগুৱা বাই কুৰুলি এটা লাহেকৈ মাটিলৈ নামে মেঘ ফুলা আকাশত সেয়া কি জাতিংগামুখী চৰাই? (৪) বৰষুণত এন্ধাৰবোৰ তিতি থাকিলে পাথৰৰ নগৰীতো পিছৰাতি কলিজা ধৰফৰাই
প্ৰিয় মানুহবোৰৰ সৈতে কৰা আলাপ অথবা তেওঁলোকৰ বিযয়ে পতা অন্তহীন কথাবোৰকেই বুটলি আনিছোঁ ব্ল'গলৈ।